ചൈനീസ് കൊവിഡ് വാക്‌സിനുകള്‍ രക്താര്‍ബുദം ഉണ്ടാക്കുന്നു.
ബീജിങ് / ചൈനീസ് കൊവിഡ് വാക്‌സിനുകള്‍ രക്താര്‍ബുദത്തിന് കാരണമാകുന്നതായി റിപ്പോര്‍ട്ട്. ചൈനീസ് നാഷണല്‍ ഹെല്‍ത്ത് കമ്മിഷന്റെ അംഗീകാരത്തോടെ പുറത്തിറക്കി യ വാക്‌സിനുകള്‍ക്കെതിരെ ചൈനീസ് പ്രാദേശികമാധ്യമങ്ങൾ തന്നെയാണ് വാർത്തകൾ റിപ്പോര്‍ട്ട് ചെയ്തിരിക്കുന്നത്.
വാക്സിന് സ്വീകരിച്ച ചിലര്‍ക്ക് രക്താര്‍ബുദം ബാധിച്ചതോടെ ലക്ഷണങ്ങളില്‍ ജാഗ്രത വേണമെന്ന് നിര്‍ദേശിച്ച് ചൈനീസ് ഹെല്‍ത്ത് കെയര്‍ കമ്മിഷന്‍ സര്‍ക്കുലര്‍ പുറത്തിറക്കിയിട്ടുമുണ്ട്. ഇതിന്റെ പകര്‍പ്പ് ഹെബെയ്, ലിയോണിങ്, സിചുവാന്‍, ഷാന്‍സി തുടങ്ങിയ 18 പ്രവിശ്യകളിലാണ് വിതരണം ചെയ്തത്.
ഈ സര്‍ക്കുലറിന്റെ അടിസ്ഥാനങ്ങളിലാണ് മാധ്യമവാര്‍ത്തകള്‍ പ്രചരിച്ചത്. വാക്സിന് സ്വീകരിച്ചതിനു ശേഷം രക്താര്‍ബുദം ബാധിച്ച ആളുകള്‍ വിവരം ധരിപ്പിക്കണമെന്ന് സര്‍ക്കുലറില്‍ നിർദേശിക്കുന്നുണ്ട്. ചൈനീസ് നാഷണല്‍ ഹെല്‍ത്ത് കമ്മിഷന്റെ ഔദ്യോഗിക വെബ്സൈറ്റില്‍ നിന്നുള്ള ഡാറ്റയെ അടിസ്ഥാനമാക്കി, 2022 മാര്‍ച്ച് 3 വരെ, മുപ്പത്തിയൊന്ന് പ്രവിശ്യകളിലായി 3,147 ദശലക്ഷം ഡോസ് വാക്സിന് നല്‍കിയതായാണ് കണക്കുകൾ പറയുന്നത്.
