Editors PicksFeaturedIndiaLatest NewsMost Popular NewsNationalPoliticsviral newsviral story

കാനം പറയുംപോലെ അല്ല, കനയ്യ കുമാറും ജിഗ്നേഷ് മേവാനിയും 28ന് കോൺഗ്രസ് അംഗത്വം സ്വീകരിക്കും.

ന്യൂഡൽഹി / സിപിഐ നേതാവ് കനയ്യ കുമാറും രാഷ്ട്രീയ ദളിത് അധികാർ മഞ്ച് എംഎൽഎ ജിഗ്നേഷ് മേവാനിയും കോൺഗ്രസിൽ ചേരുമെന്ന് ഒരു ദേശീയ മാധ്യമം റിപ്പോർട്ട് ചെയ്തു. ഒക്ടോബർ 2 ഗാന്ധി ജയന്തി ദിനത്തിൽ ഇരുവർക്കും രാഹുൽ ഗാന്ധി കോൺഗ്രസ് അംഗത്വം നൽകുമെന്ന് നേരത്തേ റിപ്പോർട്ട് ഉണ്ടായിരുന്നു. എന്നാൽ ഭഗത് സിങ്ങിന്റെ ജന്മവാർഷികമായ സെപ്റ്റംബ‍ര്‍ 28ന് ഇരുവരും കോൺഗ്രസിൽ അംഗത്വമെടുക്കുമെന്നാണ് പുറത്ത് വന്നിരിക്കുന്ന റിപ്പോർട്ട് പറയുന്നത്. കനയ്യ കുമാറിന്റെ കോൺഗ്രസ് പ്രവേശം സിപിഐ കേരള ഘടകം നേരത്തെ തള്ളിയിരുന്നു. സി പി ഐ സംസ്ഥാന സെക്രട്ടറി കാനം രാജേന്ദ്രൻ ഇത് സംബന്ധിച്ച് പ്രസ്താവനയും ഇറക്കിയിരുന്നു.

സെപ്റ്റംബർ 28 ന് ഇവർ കോൺഗ്രസിൽ ചേരുമെന്നാണ് ടൈംസ് നൗ റിപ്പോ‍ര്‍ട്ട് ചെയ്തിരിക്കുന്നത്. ദളിത് നേതാവും ഗുജറാത്തിലെ വഡ്ഗാം മണ്ഡലത്തിൽ നിന്നുള്ള എംഎൽഎയുമാണ് ജിഗ്നേഷ് മേവാനി. കോൺഗ്രസിൽ അംഗത്വമെടുക്കുന്നതോടെ ജിഗ്നേശ് ഗുജറാത്ത് പിസിസിയിലെ വ‍ര്‍ക്കിങ് പ്രസിഡന്റ്റ് ആകുമെന്നാണ് വിവരം.

2019 ലോക്സഭാ തെരഞ്ഞെടുപ്പിൽ ബിഹാറിലെ ബഗുസരായ് മണ്ഡലത്തിൽ നിന്നും മത്സരിച്ചെങ്കിലും ബിജെപിയുടെ ഗിരിരാജ് സിങ്ങിനോട് പരാജയപ്പെട്ട, ജവ‍‍ര്‍ലാൽ നെഹ്റു യൂണിവേഴ്സിറ്റിയിലെ മുൻ യൂണിയൻ നേതാവും സിപിഐ ദേശീയ എക്സിക്യൂട്ടീവ് അംഗവുമാണ് കനയ്യ കുമാ‍ര്‍. പാ‍ര്‍ട്ടിയിലെ തന്റെ സ്ഥാനം സംബന്ധിച്ച് കനയ്യ കുമാ‍ര്‍ രാഹുൽ ഗാന്ധിയും പ്രിയങ്കാ ഗാന്ധിയുമായി നിരവധി തവണ ച‍ര്‍ച്ച ചെയ്തിട്ടുണ്ടെന്നാണ് റിപ്പോർട്ടുകൾ പറയുന്നത്.

കനയ്യ കുമാ‍ര്‍ പാര്‍ട്ടിയിൽ എത്തിയാൽ യുവാക്കളെ കോൺഗ്രസിലേക്ക് ആകര്‍ഷിക്കാനാകുമെന്നാണ് കൊണ്ഗ്രെസ്സ് പ്രതീക്ഷിക്കുന്നത്. ജനങ്ങളുമായി അടുത്തിടപഴകുന്ന കനയ്യ പാര്‍ട്ടിക്ക് മുതൽക്കൂട്ടാകുമെന്നാണ് വിലയിരുത്തൽ. പ്രശാന്ത് കിഷോറിനൊപ്പം കനയ്യ കുമാ‍‍ര്‍ രാഹുൽ ഗാന്ധിയുമായി നിരവധി തവണ കൂടിക്കാഴ്ച നടത്തിയിരുന്നത വാർത്തയായിരുന്നു.

 

Back to top button